Заменикот министер за финансии Филип Николоски во гостувањето во ТВ21 кажа дека буџетот за 2023 година во моментов е супер ликвиден и во одлична кондиција.
-За јануари и февруари имаме над осум проценти повеќе приноси во буџетот за разлика од истиот период минатата година. Имаме 16 проценти повеќе приноси на основ на данок од личен доход и 30% повеќе од данок на добивка, рече Николоски.
Тој додаде дека во овие два месеца, односно јануари и февруари, имаме 25 проценти помал буџетски дефицит за разлика од лани.
-Извршивме поврат од 120 милиони евра поврат на ДДВ, што е за 17 милиони евра повеќе од лани истиот период, кажа Николоски.
Заменикот министер истакна дека во моментов се работи на два проекта за намалување на сивата економија во Управата за јавни приходи.
-Еден од нив е е-фактурата која ќе стапи на сила од први јануари, заклучи Николоски.
–
