Дваесетгодишен студент од Волос е единствениот преживеан од првиот вагон на возот кој се судри со товарен воз кај Лариса во Грција.
Студент кој патувал за Солун, каде што студира, бил со други студенти во изгорениот вагон од кантината. Веднаш по судирот испаднал во полето. Според информациите спасувачите таму го пронашле онесвестен.
20-годишникот веднаш бил префрлен во болница каде бил примен на операција, пренесува protothema.gr.
„Тој беше единствениот преживеан од првиот вагон“, велат лекарите кои се борат да го одржат во живот. Младиот човек имал две операции на главата и бил хоспитализиран на одделението за интензивна нега.
Забележано е дека првите вагони на патничкиот воз биле речиси уништени во страшен судир.
Панајотис Стафилос, пак, имал среќа што ја преживеал денешната железничка несреќа во Грција во која загинаа најмалку 43 лица Овој млад човек имал билет за вториот вагон, но ги измешал бројките.
Првиот и вториот вагон на возот се речиси целосно уништени во судирот со товарниот воз, изјави регионалниот гувернер.
Овој млад човек, да седел таму каде што требало, најверојатно ќе бил мртов Петтиот вагон во кој случајно бил младиот човек, успеал да остане на шините.
Во интервју за Би-Би-Си, тој рече дека „можеби од чиста среќа или благодарение на Бога“ не е меѓу повредените или загинатите во несреќата.
