Украинското Министерство за надворешни работи објави на Твитер две слики од градот Маринка во источниот регион Доњецк во Украина. Министерството напиша дека градот е срамнет со земја.
Новинската агенција АП објави фотографии од Маринка од дрон на кои се гледаат слични сцени. Артем Шус, началникот на полицијата во Маринка, рече дека неговиот град е уништен.
„Маринка е целосно евакуирана, во градот нема никој освен војници. Нема начин цивилното население да живее таму“, изјави Шус за АП минатата недела.
