Челниците на најсилната кошаркарска лига во светот НБА направија корекција во статистиката за последниот натпревар на ѕвездата на Милвоки, Јанис Адетокумбо, по што тој остана без учинок од нов трипл-дабл во дуелот со Вашингтон одигран пред неколку дена.
На Адетокумбо во последните секунди од средбата му недостигаше еден скок за да прокнижи трипл-дабл остварување, па намерно ја фрли топката во таблата за да му се прокнижи скок и да го комплетира потребното статистичко остварување трипл-дабл. НБА ја преиспита ситуацијата и го поништи неговиот 10. скок врз основа на тоа што не се обидел да го погоди обрачот.
Така, Адетокумбо за 36 минути има 23 поени, 9 скока и 13 асистенции.
