Германија е обвиена во црно по крвопролевањето во кое загинаа седуммина, вклучувајќи го и осомничениот напаѓач Филип Ф.(35), во четвртокот навечер.
Според последните официјални информации, тој убил седум лица во заедницата на Јеховините сведоци во Хамбург, пред да се застрела себеси. Специјалната единица на полицијата во Хамбург (USE) случајно се нашла во близина, поради што успеале брзо да реагираат и да спречат уште поголема трагедија.
Осомничениот бил самец кој живеел во Хамбург од 2014 година. Тој е поранешен член на заедницата на Јеховините сведоци, кој на властите не им бил познат како екстремист. Хамбуршкиот весник „Абендблат“ пишува дека осомничениот ја напуштил заедницата пред околу 18 месеци од непозната причина, доброволно, но веројатно не во добри односи.
Според истражителите, оружјето користено во убиствата законски го поседувал, а дозвола за чување и носење оружје ја добил во декември минатата година. Впечатлива е големата количина муниција што ја поседувал. Истрагата покажала дека на местото на злосторството испукал девет рамки со по 15 куршуми, а со себе имал уште 20 куршуми. При претресот во неговиот стан биле пронајдени уште 15 рамки и дополнителни 200 парчиња муниција.
Според началникот на полицијата Мартин Мајер, постоеле индиции дека 35-годишниот можеби не бил подобен да поседува оружје поради недијагностицирана ментална болест . Имено, полицијата добила анонимно писмо во кое пишувало дека Филип Ф. се лути на верските следбеници, особено на Јеховините сведоци и на својот поранешен работодавец.
Откако добиле анонимен дојава, тие на 7 февруари извршиле ненајавена проверка на оружјето. Освен муницијата надвор од ормарот, полицијата не нашла други причини кои би укажале на потреба од понатамошно постапување. Полицијата се уште ги истражува мотивите на злосторството.
На неговите веб-страници Филип Ф. се претставувал како консултант. Тој нудел различни консултантски услуги во области од „контролинг“ до „теологија“, кои скапо ги наплаќал.
Неговата минимална дневна цена беше 250.000 евра. Тој израснал во ригорозно евангелско семејство во Кемптен во регионот Алгау, дознава Шпигел. Студирал бизнис администрација, а себеси се опишал како „признат Европеец“.
