Вработена и синдикална претставничка на позната државна компанија во Хрватска, добила отказ бидејќи на работа пиела кафе во својата канцеларија и ја позајмила личната карта на нејзин колега.
Тоа се случило во Хрватската агенција за комерцијална дејност – (АКД), компанија која произведува лични карти и пасоши, банкарски картички, сообраќајни дозволи, печати за цигари и алкохол и друга важна и доверлива документација.
Вработената, која работела 30 години во таа фирма и е раководител на сектор добила отказ бидејќи било снимено дека најмалку 20 пати пиела кафе и други пијалоци во просторија каде што тоа е забрането. Синдикатот на графичката индустрија одби да ја прифати смената на свој претставник, па целата работа заврши на суд.
АКД наведува дека забраната за консумирање храна и пијалоци во одделението е јасно означена на влезот во објектот.
„ Но, и покрај експресната забрана, работникот редовно внесувал кафе во објектот, а еднаш и храна која била пронајдена дури 20 пати. Утврдено е и дека ги прекршила строгите одредби за употреба на лична карта бидејќи нејзината картичка ја користел друг вработен“, соопшти АКД.
Вработената се пожалила дека поради Ковид, работниците биле спречени да ги користат своите вообичаени места за кратки паузи и пушење цигари, „поради што работниците пијат уште повеќе кафе во фабриката“. Во Сојузот на графички и издавачки дејности во се гледаат непримерен прогон на своите членови.
„Станува збор за работничка која работи во АКД 30 години, така што е барем хумано и коректно и од аспект на почитување на достоинството на работниците да ѝ се дозволи да ја изнесе својата одбрана, што не беше случај. Што се однесува до консумацијата на кафе и храна на работното место, поточно на работната маса, тоа е вообичаена практика во сите работни средини, а АКД не е исклучок. Притоа, АКД се повикува на нормите за кои не ги известила работниците на пропишан начин, што би било ефективно, а не само формално“.
