Полицијата во Берлин и покраината Саксонија-Анхалт западно од главниот град денеска почна голема рација против група осомничени шверцери на луѓе.
Повеќе од 20 станови и канцеларии, главно во Берлин, се претресени утрината, изјави портпаролот на федералната полиција.
Уапсени се пет мажи, од кои четворица во Берлин и еден во градот Хале во покраината Саксонија-Анхалт.
Под истрага се вкупно 18 осомничени.
Бандата наводно шверцувала луѓе од Турција и Ирак во Германија.
Распоредени беа вкупно 400 полицајци од Федералната полиција и берлинската полиција, вклучително и специјалните сили, како што е ГСГ 9.
