Најмалку 15 загинати и 126 повредени по силниот земјотрес што вчера го погоди Еквадор, соопшти Националната служба за управување со катастрофи.
Според информациите, уништени се и 50 куќи, пренесе агенцијата ТАС С.
Епицентарот на земјотресот се наоѓал на длабочина од 85 километри, на околу 17 километри југозападно од градот Наранхал со 32.000 жители.
Земјотресот бил со јачина од 6,9 степени според Рихтеровата скала, а бил почувствуван во 13 од 24-те провинции на Еквадор.
