Советникот на украинскиот министер за внатрешни работи Антон Герашченко ја спореди посетата на Путин на Мариупол, со посетата на Хитлер.
„ Друг диктатор исто така го посети Мариупол. Знаеме како заврши неговата приказна. Многу историчари и современици тврдат дека токму тука Хитлер за првпат сфатил дека војната е изгубена“, напиша Герашченко.
Рускиот претседател Владимир Путин денеска беше во непланирана посета на Мариупол и тоа ќе биде прво негово патување на териториите на украинската област Доњецк, кои се под руска окупација од почетокот на војната. Тој вчера ненајавено патуваше на Крим за да ја одбележи деветгодишнината од руската анексија на полуостровот. Посетите на Путин следат откако Меѓународниот кривичен суд издаде налог за негово апсење.
