FINANCIAL Times известува дека договорот е завршен: UBS, најголемата швајцарска банка, ќе го купи Credit Suisse откако ќе ја зголеми својата понуда на повеќе од 2 милијарди долари. Швајцарските власти ќе ги променат законите на земјата за да го заобиколат гласањето на акционерите за трансакцијата и да брзаат да го финализираат договорот поради проблемите што ги затекна Credit Suisse овие денови.
Се работи за купување на сите акции за цена која е само дел од проценетата вредност на Кредит свис во петокот, кога изнесуваше околу осум милијарди евра, пренесува Блумберг.
Швајцарската национална банка на Ју-Би-Ес ѝ нуди линија за ликвидност од 100 милијарди долари, а швајцарската влада дава гаранција од девет милијарди франци за превземање на потенцијалните загуби од имотот што го купува Ју-Би-Ес.
Претставниците на двете банки одбија да го коментираат овој план, кој е договорен набрзина и во настојување да се реши огромниот пад на акциите и обврзниците на Кредит свис по колапсот на помалите американски кредитори. Заштитата на ликвидноста што ја спроведе швајцарската централна банка кон средината на мината седмица не успеа да ја заврши драмата што се закануваше дека ќе ги набрка клиентите и што може да има последици за целата банкарска индустрија.
Американските власти соработуваат со своите швајцарски колеги затоа што обата кредитодаватели имаат операции во САД и се сметаат за системски важни во Швајцарија, а властите бараа да се направи договор пред да се отворат пазарите во Азија во понеделник.
Ју-Би-Ес претходно дала понуда од милијарда долари за Кредит свис, но оваа банка ја одбила таа понуда.
