Рускиот министер за одбрана Сергеј Шојгу во интервју за ТВ Звезда на руското Министерство за одбрана беше прашан како ќе заврши војната, на што тој одговори: „Секоја војна завршува со мир“.
Но, кога еден новинар прашал колку брзо може да се очекува мир во Украина, Шојгу не одговорил на прашањето и ја напуштил просторијата.
Иако ТВ Звезда првично објави видео од заминувањето на министерот за одбрана, тоа беше отсечено во подоцнежна изјава.
Аналитичарите велат дека рускиот претседател Владимир Путин најверојатно планира да ја одолговлекува војната што е можно подолго со надеж дека поддршката на Западот за Украина ќе ослабне.
„Владимир Путин нема непосредни планови за мир во Украина и затоа Западот треба уште долго да се подготвува да му пружи помош на Киев“, предупреди генералниот секретар на НАТО во интервју за Гардијан.
Јенс Столтенберг изјави дека рускиот претседател е вмешан во „војна на трошење“.
– Жестоките борби насочени околу Бахмут покажуваат дека Русија е подготвена само да фрли илјадници и илјадници војници, да земе многу жртви за минимални придобивки, рече шефот на НАТО.
„Претседателот Путин не планира мир, тој планира уште војна“, продолжи Столтенберг, додавајќи дека Русија го зголемува воено индустриското производство и „посегнува до авторитарните режими како Иран, Северна Кореја и други за да се обиде да набави повеќе оружје“,пренесе Индекс.хр.
