Направи Еко маска од електронски отпад и натпреварувај се за нов велосипед!
Во насока на јакнење на јавната свест за заштита на природата и здравјето на луѓето, НУЛА ОТПАД во соработка со Капитол мол и Општина Аеродром поттикнуваат иницијатива за изработка на маски од електричен отпад кои ќе бидат презентирaни во форма на дигитална кампања на фејсбук официјалната страна на Капитол Mол под името Е-КАПИТОЛИЈАДА.
Во Изборот на најдобра еко маска право на учество имаат сите деца од Општина Аеродром, вклучувајќи ги сите градинки и училишта (основно образование,1-9 одделение).
Учесниците во Изборот на најдобра еко маска ќе имаат за задача да изработат индивидуална или групна креативна маска во која ќе имаат вклучено најмалку 3 стари и неисправни електронски и електрични уреди и стари и потрошени батерии.
Фотографија од направената еко маска треба да се испрати во директна порака на фејсбук профилот на Капитол Мол, заедно со уредно пополнета и потпишана пријава од родител/старател најдоцна до 01.04.2023год. до 16 часот.
Главната награда од стручно жири за индивидуална маска ја обезбедува партнерот на проектот Амбасада на Република Словенија – велосипед, втората награда за индивидуална маска од стручно жири – блутут слушалки и наградата за најлајкувана маска – блутут звучници ги обезбедува Нула Отпад, додека наградата за групна маска ја обезбедува Офис Плус.
За категоријата најлајкувана маска важечки ќе бидат гласовите од објавата на фотографијата до 03.04.2023 – 12 часот.
Добитниците на наградите ќе бидат објавени на 04.04.2023год.
Кампањата е дел од низа на цели кои треба да се исполнат во општеството и заедницата и со тоа да се постават темелите на раст и развој и чиста и здрава животна средина за сите.
Правилник и пријава за Е-Капитолијада преземи на следниот линк:
