Министерството за надворешни работи информира дека процесот на уставни измени претставува внатрешно прашање на Република Северна Македонија, која како обврска е поврзана со пристапните преговори за членство во Европската унија.
-Се очекува Собранието да ја донесе таквата одлука, суверено и согласно долгорочните интереси на граѓаните на Северна Македонија, претставени во парламентот и во тој контекст, не постои можност ниту политичка волја за вклучување на граѓани и институции од странство, вклучително од Република Бугарија. Такво барање ниту е пристигнато, ниту е разговарано меѓу министрите Османи и Милков. Северна Македонија останува посветена на продолжување на политичкиот дијалог со Бугарија, во духот на добрососедството и Договорот за пријателство, добрососедство и соработка, за што се надева на што поскоро формирање на новата бугарска Влада велат од МНР.
Бугарија би скала да биде вклучена и консултирана во процесот за впишување на Бугарите во Уставот на Северна Македонија, кажал денеска на брифинг во Софија шефот на бугарската дипломатија Николај Милков.
Ова, како што посочил Милков, на вчерашната блатерална средба му го пренел на македонскиот министер за надворешни работи Бујар Османи.
