Еден од речиси класичните, дефинитивно еден од најстарите зимски спортови. Во времето околу Новата година, традиционално, покрај дегустацијата на сарма и новогодишниот концерт од Виена, се следи и новогодишната турнеја на Четирите скокалници. Значи зборуваме за скијачки скокови. Спорт кој е на програмата уште од првите Зимски олимписки игри, во Шамони во 1924 година.
Е па, тоа нема да трае толку долго.
Наскоро најдобрите ски скокачи ќе се натпреваруваат среде лето. Имено, скијачките скокови од семејството на зимски спортови се селат на летни спортови. Не, тоа не е шега, ниту е дел од пошироката приказна за климатските промени и глобалното затоплување.
Факт е дека порано имало натпревари во лето во ски скокови, на ски скокалници со пластична подлога, но сега сериозно се размислува овој спорт да се префрли од семејството на зимските во летните спортови. Вклучувајќи ги и Олимписките игри! Не само што се размислува, туку и првиот чекор е веќе направен.
Својата премиера ќе ја имаат за неколку месеци, во Полска на Европските игри, големо мултиспортско натпреварување кое за прв пат се одржа во 2015 година во Баку.
Натпреварите ќе се одржат во познатата зимска дестинација Закопане. Закопане беше една од клучните одредници во кандидатурата на Краков и Мала Полска за домаќини на Европските игри.
