Руското обвинителство денеска побара 25 години затвор за затворениот руски опозициски активист Владимир Кара-Мурза, кој беше обвинет за велепредавство.
– Потврдувам дека обвинителот побара 25 години затвор, изјави адвокатот на затвореникот, Вадим Прохоров, по сослушувањето зад затворени врати.
Кара-Мурза (41) е обвинет за велепредавство, ширење „лажни“ информации за руската армија и поврзаност со „непожелна организација“.
Казната за овие злосторства е најтешката казна предвидена со кривичниот закон во Русија.
Кара-Мурза е во притвор од април 2022 година и е долгогодишен противник на рускиот претседател Владимир Путин.
