Наградниот фонд во женската фудбалска Лига на шампиони за сезоната 2021/22 година беше 83 пати помал за разлика од истото натпреварување во машка конкуренција.
Вкупниот награден фонд на женската Лига на шампиони изнесуваше околу 24 милиони евра. Победникот на турнирот Лион заработи 1,46 милиони евра, додека Барселона која стигна до финалето – 1,26 милиони евра.
Кај машките екипи од елитното фудбалско натпреварување наградниот фонд за ланското издание изнесуваше околу две милијарди евра. Да потсетиме дека најмногу заработи победникот на турнирот – Реал Мадрид (133,7 милиони евра). Оваа сума ја вклучува основната премија за учество во групната фаза, бонусите за изведба, учеството на правата за емитување и дополнителен бонус врз основа на историските рекорди во натпреварувањата на УЕФА. Финалистот на турнирот Ливерпул заработи 120 милиони евра.
Победникот на Лига Европа Ајнтрахт доби 38 милиони евра, освојувачот на Конференциската лига Рома 19 милиони евра.
