Австралискиот тенисер Алекс де Минор се пласираше во второто коло на Мастерс турнирот во Монте Карло, откако по два сета со 6:1, 6:3 го совлада Енди Мареј.
Де Минор, кој е 19. тенисер во светот, победи по еден час и 28 минути.
Тој успеа дури четири пати да го одземе сервисот на Мареј.
Де Минор во следната рунда ќе игра против германскиот тенисер Јан Леонард Штруф.
Во второто коло се пласира и Аргентинецот Диего Шварцман кој славеше против Белгиецот Давид Гофан со 6:4, 6:2. Противник во следното коло ќе му биде Италијанецот Јаник Синер, кој како седми носител беше слободен во првото коло.
Матео Беретини по два сета, со 6:4, 6:2, го совлада 38. играч во светот, Американецот Максим Креси. Беретини, кој е 22. рангиран тенисер во светот, победи по еден час и 26 минути, откако трипати го одзеде сервисот на Креси.
Беретини во второто коло ќе игра против Аргентинецот Франциско Серундоло.
