Аталанта го доби дуелот против Рома во Бергамо со 3:1 и ги врати надежите дека сепак може да избори пласман во Лигата на шампионите следната сезона. Сега Аталанта има 52 бода, четири помалку од четвртопласираниот Милан кој е на позиција што води во ЛШ.
Марио Пашалиќ го отвори резултатот во 39.минута, а Рафаел Толои зголеми на 2:0 во 74.минута.
Лоренцо Пелегрини во 83.минута за момент даде надеж за Рома, но Теун Копмајнерс само минута подоцна постигна трет гол за Аталанта и го завери триумфот.
– Аталанта никогаш не била во послаба физичка форма, но за да дојдеме до резултат против Рома дефинитивно ни требаше одлична игра и бевме подготвени на тоа. Секој натпревар е единствен, треба да играте повеќе од 90 минути и со максимални сили. Требаше да играме добро во сите компоненти, бидејќи Рома е многу квалитетен тим, изјави tренерот на Аталанта, Џан Пјеро Гасперини.
На седум кола до крајот на Серија А, Аталанта е седма со 52 бода. Рома е на 5. место со 56 бодови.
