Ужасна видео снимка од надзорните камери покажува како тригодишната Луз Маида е однесена од маж кој подоцна ќе ја силува и убие во раните утрински часови во петокот во Педро Хуан Кабаљеро, Парагвај.
Нејзината мајка Аурелиа Салинас (42) ја продала на своето момче, дилер, во замена за дрога вредна 11 евра. Нешто повеќе од 24 часа подоцна, крвавото тело на Луз било пронајдено во напуштена куќа.
Полицијата не го соопшти името на напаѓачот, но се знае дека го силувал и убил тригодишното девојче.
Нејзиното тело било пронајдено завиткано во маица. Пронајдена е на креветот на напуштена куќа, пишува „Дејли мејл“.
Наводно, гневните мештани се обиделе да ја линчуваат нејзината мајка, откако таа на полицијата и признала што се случило.
Аурелиа Салинас (42) – мајка на убиеното девојче
Нејзиното момче подоцна го признало убиството, објавија локалните медиуми.
На погребот на Луз присуствуваа повеќе од 300 локални жители, а некои соседи ја запалија куќата во која беше пронајдено телото на убиеното дете.
Осомничениот за убиството. Неговото име не е објавено од страна на полицијата
Аурелија Салинас има уште седум деца, меѓу кои и 12-годишно девојче кое наводно, како што тврди мајката, дозволило да биде сексуално злоставувано од 30-годишен маж.
