Екипата на Баерн Минхен многу потешко од очекувањата ја совлада последнопласирната Херта со 2-0. Со оваа победа Баерн Минхен се искачи на врвот на табелата со поен предност пред Борусија Дортмунд, по контроврзниот меч вчера и кикс против Бохум (1-1).
Од Борусија сметаат дека се оштетени од судиите за два недосудени пенали, во 64-тата и 90-тата минута. Судиите гледаа ВАР, но одлучија дека нема пенал и во двете ситуации.
Резултатот беше отворен дури во 69-тата минута, кога Гнабри прецизно стрелаше во голот на Херта.
Конечните 2-0 за Баерн Минхен беа дело на Кингсли Коман во 79-тата минута од мечот.
Следното коло Баерн Минхен ќе му гостува на Вердер Бремен, додека Борусија Дортмунд на домашен терен ќе го пречека составот на Волфсбург.
