Новак Ѓоковиќ успешно ја почна одбраната на титулата на Мастерсот во Рим, иако имаше проблеми на почетокот против Аргентинецот Ечевери.
Ечевери поведе со 3-1 во првиот сет, но Србинот се загреа, почна да игра како што знае, па го доби сетот, но дури во тај-брејк. Потоа во вториот сет Ѓоковиќ играше како што знае и славеше со 6-2.
Во следното коло, првиот носител ќе се сретне со Бугаринот Григор Димитров, кој го елиминираше Стен Вавринка.
Инаку, на трибините беше и фудбалскиот стручњак и актуелен тренер на Рома, Жозе Мурињо, кој пред мечот се сретна со Новак и му посака среќа.
