Како дел од караванот „Рамо до рамо до победа” членот на ИО на СДСМ Петре Шилегов заедно со Владимир Анчев беше меѓу граѓаните на општина Аеродром.
– Само една година беше доволна граѓаните да видат што значи кога ВМРО-ДПМНЕ ќе добие власт. На Скопје му се случува нова катастрофа. Арсовска и ВМРО-ДПМНЕ градот го направија нефункционален, заглавен целосно и пред банкрот. Речиси нема јавно претпријатие што е функционално или пак не е во долгови. Арсовска и ВМРО-ДПМЕ не само што не ги продолжија наследените проекти, туку не реализираа ниту еден свој проект а потрошија најмалку 100 милиони евра. Логично е прашањето каде се парите? Ова е само еден од бројните примери, што значи ВМРО-ДПМНЕ да добие можност да управува со парите на граѓаните. Мостот во Аеродром го направивме целосно и не се пушта во употреба за денеска да гледаме пак хаос во сообраќајот. Ете колку бил потребен и ете колку е потребен. Ако ја довршеа работата мостот на булевар АСНОМ ќе беше сега алтернатива за граѓаните а метежот немаше да постои, порача Шилегов.
Владимир Анчев посочи дека градоначалникот на Аеродром Тимчо Муцунски освен што ја бетонизира и задолжува општината, нема реализирано ниту еден свој проект што е во интерес на општината и граѓаните.
Претседателот на СДММ Марко Михаилоски заедно со Даниела Рендевска беше во посета на општина Велес.
– Секаде каде ВМРО-ДПМНЕ е на власт во општините, секаде се случува хаос, неработење и расипничко трошење на парите на граѓаните. Така е и овде во Велес, се трошат милионски суми за вработување на партиски кадри, додека општината се задолжува, а комуналните услуги за граѓаните драстично поскапуваат. Општините предводени од ВМРО-ДПМНЕ доживуваат колапс на секое поле, порача Михаилоски.
