Повиците за национално единство и ставање на националните пред партиските и личните интереси од страна на ВМРО-ДПМНЕ останаа само „празно слово на хартија“, по организацијата на паралелна, партиска прослава на Свети Кирил и Методиј.
Иако имаа официјална покана, Мицкоски и претставниците од опозициската ВМРО-ДПМНЕ, вчера ја бојкотираа националната прослава на Кирил и Методиј на Плаошник, местото каде што е основан и дејствувал првиот словенски универзитет, Охридската книжевна школа, чијшто основач е еден од учениците на Светите Браќа Кирил и Методиј, Свети Климент Охридски.
Наместо тоа, ВМРО-ДПМНЕ организираше партиска прослава, продолжувајќи да создава раздор во македонското општество и активно работејќи против единството на народот. Повиците за национално единство и зачувување на државноста очигледно се само политички маркетинг на опозицијата, бидејќи секогаш кога треба тоа единство да го покажат на дело, тие бегаат.
На централниот настан во Охрид, иако немаше претставници од ВМРО-ДПМНЕ, присуствуваа претставници од владиниот и државниот врв, од дипломатскиот кор, претставници од областа на политиката, образованието, науката, културата, како и од други општествени сфери.
Оваа не е прво вакво однесување на опозициската ВМРО-ДПМНЕ, кои во годините откако не се на власт ги избегнуваат сите државни прослави. Наместо на централните прослави за одбележување на Илинден, и организираат свои паралелни, партиски настани, каков што е примерот со Илинден, но и за чествувањето на најголемите македонски дејци како Гоце Делчев.
