Двајца полицајци се ранети откако дошле да интервенираат на пријава за семејно насилство, попладнево во Сомбор. Престрелката се случила откако во полициските службеници пукал постар маж, кој се заканувал дека ќе ја убие сопругата.
Насилникот без предупредување пукал со пиштол кон полицајците и ги ранил.
Тие, сепак, возвратиле и тешко го раниле напаѓачот кој, според информациите, со повреди опасни по живот бил пренесен во болницата во Сомбор.
Полицијата блокираше дел од улицата Стеван Синѓелиќ. Истрагата е во тек. Како што може да се види околу местото на злосторството, има десетици полицајци во униформи и цивилна облека.
-Интервентната патрола и припадниците на Жандармеријата излегле на лице место по пријавата за семејно насилство и дојава за истрели од огнено оружје. Тие го затекнале В.П.(62) како пука од огнено оружје и веднаш испукал неколку куршуми кон полициските службеници. Во таа прилика биле ранети припадници на Жандармеријата. Потоа полицајците употребиле огнено оружје и бил повреден и В.П.. И покрај предупредувањето да го фрли оружјето, тој веднаш пукал во полицијата, а потоа во негова насока пукале ранетите жандарми во самоодбрана. Ранетите не се животна опасност, двајцата се застрелани во раката, велат извори од полицијата.
