Централното претседателство на ДУИ го заврши својот состанок во партиското седиште во Мала Речица, а партијата информираше дека се прифаќаат предусловите кои се упатени кон нив со цел да има промени во Уставот и почеток на преговорите за членство во Европската унија. Партискиот портпарол Бујар Османи рече дека неколкучасовната седница била исклучиво наменета за оваа одлука.
Тој посочи дека на седницата се анализирал состанокот на премиерот Димитар Ковачевски со претседателот на ВМРО-ДПМНЕ Христијан Мицкоски по кој имаше и одговор на ДУИ во однос на барањето на опозицијата да се формира Влада во која нема да учествува нивната партија, како предуслов за поддршка на уставни измени.
– Прво, историскиот момент пред кој се наоѓа државата како можност за брзо членство во ЕУ пред сè создадена со геополитичката случувања со војната во Украина. Големата свесност на ЕУ за Западен Балкан и брзата трака која се појавува како шанса. Повикувајќи се на консензуалната потреба на луѓето, без разлика на припадност, за подобар животен стандард, за можност за задржување на луѓето овде, за брза трака за членство во ЕУ наредните години, Централното претседателство ја реафирмираше консензуално и одлучно првичната одлука којашто ја претставивме веднаш после средбата на претседателите на политичките партии – дека ДУИ е спремна истиот ден кога ќе стапат во сила уставните измени да ја напушти Владата, доколку е тоа предуслов опозицијата да ги поддржи уставните измени, истакна Бујар Османи.
Тој понатаму рече дека нема поважно прашање денес одтолку европската иднина на државата и европската иднина на граѓаните.
– Имаме историска шанса којашто доколку ја пропуштиме нема да ја имаме сигурно во наредните 10-20 години. Затоа ДУИ проценувајќи го овој моментум врз основа на кредибилни информации коишто и јас ги претставив на седницата на ЦП и тоа што Али Ахмети го образложи, донесе одлука да поддржи една таква одлука во којашто ДУИ ќе поддржи Влада без претставници на ДУИ на денот кога ќе стапат во сила уставните измени, посочи Османи.
Од ДУИ велат дека нивното Претседателство бара паралелно да се одвива уште еден процес.
-Тоа е почеток на ветинг и истрага на сите политички партии, почнувајќи од претседателите до последниот партиски функционер, вклучувајќи и пратеници, функционери и така натаму, со цел еднаш за секогаш оваа злоупотреба на борбата против корупцијата за партиски цели да и се стави крај и да се институционализира. Сметаме дека е тоа многу важен процес за да создаде амбиент за да се изгради доверба за да може овој процес да се одвива побрзо, истакна Османи.
Во продолжение интегрално соопштение од ДУИ:
„Централното претседателство на ДУИ едногласно ја потврди одлуката за подготвеност за
договор со опозицијата за уставните измени
Повикувајќи се на потребата од обезбедување сигурна европска иднина на граѓаните, за
подобар животен стандард, за задржување на луѓето во државава, за создавање
функционално европско општество; свесни за големата шанса за забрзано членство на земјата
во Европската Унија создадена поради актуелните геополитички случувања, на состанокот на
Централното претседателство на партијата Демократската Унија за Интеграција го
реафирмираше ставот дека во моментов нема поголем приоритет и поважно прашање за
државата и граѓаните од забрзувањето на членството на земјата во Европската Унија, и ДУИ
овој приоритет го става пред секој политичко – партиски интерес.
Во оваа насока, денес, ДУИ, преку едногласна одлука на Претседателството, го реафирмираше
ставот за подготвеноста на партијата веднаш да се постигне договор со кој опозицијата ќе ги
поддржи уставните измени ко би влегле во сила пред одржувањето на Втората меѓувладина
седница со Европската Унија, а ДУИ ќе поддржи преодна Влада без нејзино учество до
наредните избори.
Во исто време, ДУИ инсистира веднаш да отпочне процесот на ветинг на сите политички партии
и носители на јавни партиски функции, со цел темата за антикорупциска политика да не се
злоупотребува во дневната политика; напротив, преку овој процес, истата да се
институционализира со што би се создала минимум доверба за важните процеси кои
претстоја
