Данијел Живковиќ, носителот на листата „Заедно собрани околу ДПС“ вечерва изјави дека оваа партија покажала дека е најсилната политичка партија и дека без неа нема стабилна влада во Црна Гора.
Тој рече дека се подготвени да соработуваат со сите кои ги почитуваат достигнувањата на ДПС.
-Врз основа на пребројувањето на сите гласови, ДПС има 18 мандати, втор е ПЕС со 17 мандати, што го потврдува фактот дека ДПС е посилен од челикот, рече Живковиќ.
Тој додаде, изборниот резултат го постигнавме заедно со СД, ЛП и ДУА.
-Оваа коалиција со својата сила ја потврди својата политичка релевантност, без коалицијата Зајдено нема стабилна, реформска, европска влада“, рече Живковиќ.
Тој додаде дека ДПС и на овие избори ја покажа својата политичка релевантност, а тоа е дека оваа партија, како што рече, ќе го диктира темпото на промени.
