Ексградоначалникот на Карпош од СДСМ, Стефан Богоев, е назначен за нов директор на Царинска управа. Предлогот за Богоев да биде на чело на Царината, попладнево мина и на седница на Влада. Богоев го зема местото на Славица Кутиров, која најпрво беше в.д. директорка поставена 2021 година, па реизбрана во февруари 2022 година. Таа беше прва директорка која доаѓа од редот на вработените во институцијата.
Сега, раководењето го презема Богоев. Во неговата биографија стои дека беше пратеник од СДСМ, а потоа и градоначалник на Карпош. Тој е дипломиран економист на универзитетот „Американ колеџ“ – Скопје.
