Италија се подготвува да се збогува со четирикратниот поранешен премиер, лидер на десниот центар и медиумски милијардер, Силвио Берлускони., кој почина вчера на 87-годишна возраст.
Владата прогласи национален ден на жалост за утре кога во миланската катедрала ќе биде организиран државниот погреб на лидерот на партијата Форца Италија, пренесува АНСА.
Италијанските и европските знамиња се веат на половина копје на јавните згради во Италија, како и на дипломатските и на конзуларните згради во странство. Неговото тело нема да лежи во неговото телевизиско студио „Медијасет“ во Келн Монтсе пред погребот, како што првично беше најавено, од безбедносни причини.
Телото на Берлускони лежи во неговиот дом во вилата Сан Мартино во Аркоро, во близина на Милано, а само на роднините и пријателите им е дозволен пристап за да му оддадат почит на починатиот премиер.
Погребот на Берлускони ќе се одржи утре во 15 часот, а церемонијата ќе ја предводи миланскиот надбискуп, монсињор Марио Делпини.
На плоштадот пред катедралата беа поставени големи видео бимови за јавноста да може да го следи погребот.
