Мерка притвор им е одредена на деветтемина уапсени Египќани за несреќата со мигрантите минатата седмица во морскиот дел во близина на Пелопонез, под сомнение дека се криумчари, јави дописничката на МИА од Атина.
Уапсените вчера беа изведени пред истражен судија и обвинител во грчкиот град Каламата, а според грчката новинска агенција АНА-МПА по маратонското сослушување што траело 13 часа, било одлучено да бидат притворени.
Во несреќата што се случи во средата беа спасени 104 лица и извлечени безживотните тела на 82 лица, додека пак непознат е бројот на исчезнати со оглед на тоа што официјално не е познато колку лица се пренесувале, а според преживеаните бројката е околу 700 лица.
