Магијата на Меси избрана за гол на сезоната во Лигата на шампионите

Фудбалерите на Пари Сен Жермен не ги оправдаа очекувањата на своите навивачи во Лигата на шампионите, но ќе се утешат со голот на нивниот клуб во елитното европско натпреварување, кој беше прогласен за гол на сезоната.

Парижаните со пораз од Баерн го завршија учеството во осминафиналето, каде на два меча не постигнаа гол, но успеаја да бидат шампиони на Франција.

И покрај тоа, триото Меси – Мбапе – Нејмар на моменти можеше да покаже зошто се меѓу најдобрите во светот, па нивната акција и голот на Аргентинецот беше прогласен за најдобар во Лигата на шампионите.

На натпреварот од третото коло од групната фаза во Лисабон помеѓу Бенфика и ПСЖ, еден од најдобрите фудбалери во историјата Лионел Меси го постигна водечкиот гол, а тоа го направи на неверојатен начин со удар од работ на казнениот простор.

Треба да знаете
Последни објави