На работен состанок помеѓу Министерството за образование и наука и Граѓанската асоцијација МОСТ презентиран е документ со препораки за изготвување на новите наставни програми по предметот историја.
Како што објави МОН, тие се однесуваат на причините кои довеле до започнување на Втората светска војна и случувањата непосредно пред нејзиниот почеток со акцент на потпишувањето на Договорот Молотов – Рибентроп.
Документот ќе биде доставен до Бирото за развој на образованието кое е надлежно за процесот на изработка на наставни програми.
-Препораките се очекува да бидат имплементирани од страната на креаторите на наставните програми во иднина. Овој документ, како и анализите кои му претходеа, претставуваат основа за збогатување и подобрување на содржините во наставните програми по Историја за основно и средно образование кои го третираат овој период, засновани на факти, наведува МОН.
