Крис Нот, кој излезе од новото поглавје на „Сексот и градот“ во 2021 година среде обвинувања за сексуален напад, шпекулациите дека се чувствувал непосакуван од своите колеги од актерскиот тим ги нарече „апсолутна бесмислица“.
Актерот го портретираше Mистер Биг во шест сезони на „Сексот и градот“, два истоимени филма и една епизода од продолжението „И, едноставно, така“ пред неговиот лик да почине од срцев удар во првата епизода.
Toj неодамна се огласи на социјалните мрежи за да го негира написот во „Њујорк пост“ и „Радар онлајн“ дека Сара Џесика Паркер и останатите го избегаваат и не сакаат ад комуницираат со него.
„Обично не одговарам на вакво нешто“, напиша Нот на Инстаграм. „И знам дека луѓето сакаат драма и озборувања… но оваа статија на Саманта Ибрахим е апсолутна глупост. Само помислив дека би сакале да знаете.“
Набргу по премиерата на новата серија, две жени го обвинија Нот за сексуален напад. Тие тврдеа дека наводните инциденти се случиле во 2004 година.
Крис ги отфрли обвинувањата и беше дециден дека станува збор за консензуални средби во далечно минато.
Ѕвездите од „Сексот и градот“ Сара Џесика Паркер, Синтија Никсон и Кристин Дејвис се обратија со заедничка изјава на „Инстаграм“: „Многу сме тажни што слушаме обвинувања против Крис Нот. Ги поддржуваме жените кои истапија во јавност и ги споделија своите болни искуства. Знаеме дека тоа е многу тешко и ги пофалуваме за тоа“.
Крис требало накусо да се појави на крајот на првата сезона на спин-оф серијата „И, едноставно, така“ (And Just Like That), но по наводите за сексуален напд, неговиот лик наводно бил отсечен од епизодата.
Актерот го портретираше финансиерот Џон Џејмс Престон или Мистер Биг – љубовникот а потоа и сопруг на Кери Бредшо – во сите шест сезони на „Сексот и градот“, двата филма со ист наслов, и во спин-оф серијата.
Поминаа повеќе од две децении од емитувањето на првата сезона на една од најпознатите серии на сите времиња.
Фамозниот Мистер Биг, кој го освои срцето на Кери Бредшо, со години мамеше воздишки кај припадничките на понежниот пол.
