Во Србија по десетти пат се одржа протест на граѓаните против насилство. Протестите започнаа по масовните убиства во белградското училиште „Владислав Рибникар“ и селата Дубона и Мало Орашје во општините Младеновац и Смедерево. Покрај во Белград од 1 јули граѓаните почнаа да излегуваат и на улиците и во другите градови низ Србија изразувајќи го своето незадоволство.
Денешниот протест во Белград, почна од платото пред Народното собрание, од каде граѓаните со блокада на собраќајот по централните улици Таковска и Цвијиќева, дојдоа до Полициската управа на булеварот „Деспот Стефан“, со изразување подршка на сите „чесни полицајци“. За вечерва се најавени протести и во Нови Пазар, Краљево и Крагуевац.
Вчера протести против насилството се одржаа во повеќе градови во Србија, во Нови Сад, Ниш, Јагодина, Зрењанин, Горњи Милановац, Шабац, Зајечар, Врање, Чачак, Пирот.
Барањата на протестот се: смена на Советот на РЕМ (Регулаторно тело за електронски медиуми), затворање на печатени медиуми и таблоиди кои објавуваат лажни вести, невистини и континуирано го кршат новинарскиот код, одземање на националните фреквенции од телевизиите кои ги залудуваат граѓаните, трујат и промовираат насилство, како што се Пинк и ТВ Хепи, оставка на министерот на полицијата Братислав Гашиќ и шефот на безбедоносната агеција Александар Вулин, итно укинување на програмите кои промовираат насилство, неморал и агресија на телевизиите со национална фреквенција, како што се реалните шоуа.
