Преговорите на амариканскиот синдикат на глумците SAG-AFTRA со филмските студија завршија без да се постигне договор или да се продолжат постоечките договори, што ја прави сè поголема веројатноста дека ќе се случи уште една голема блокада на Холивуд.
Во соопштението на синдикатот се наведува дека преговарачкиот комитет едногласно одлучил да препорача покренување штрајк, а доколку тоа се случи, ќе има целосен прекин на филмските и телевизиските продукции во компаниите застапувани од Алијансата на филмски и телевизиски продуценти (АМПТП). .
Синдикатот се обидува да воспостави формула за стриминг бонуси што ќе го земе предвид успехот на сериите. Студијата одбиваат да ги откријат податоците за гледаноста, поради што SAG-AFTRA предложи да се користи метрика од трета страна – Parrot Analytics.
Исто така, бара регулатива за употребата на вештачка интелигенција, со која актерите ќе бидат платени за секоја употреба на нивниот лик од вештачка интелигенција и многу повеќе.
Во пораката до членовите во четвртокот наутро, синдикатот ги истакна преносот и вештачката интелигенција како клучни за преговорите.
Продукцијата е веќе драстично загрозена поради штрајкот на Синдикатот на сценаристите, кој започна на 2 мај.
Штрајкот на сценаристите ја блокираше работата на новиот дел од „Игра на тронови“: Џорџ Р. Р. Мартин го поддржа Синдикатот на сценаристите.
SAG-AFTRA, која застапува 160.000 актери, не иницирала прекин на работа од 1980 година. Последен пат актерите и писателите штрајкуваа во исто време во 1960 година.
