Зеленски на самитот на НАТО вчера целосно ја отфрли идејата за замрзнат конфликт. Замрзнат конфликт е ситуација во која воениот конфликт е завршен, но ниту мировниот договор, ниту некоја друга политичка рамка не довеле до решавање на конфликтот и задоволство на страните.
Северна и Јужна Кореја се пример за замрзнат конфликт – нема воени акции, но мир никогаш не е потпишан и двете страни се во висок степен на воена подготвеност.
„Сигурен сум дека Бајден и Шолц нема да заземат таква предавничка позиција“, рече Зеленски.
„Никогаш нема да смениме никаков статус за кој било дел од нашата територија. Дури и да беше само едно село со еден дедо“, додаде тој.
„Нема да се откажеме од нашите територии или да ги размениме за замрзнат конфликт. Тоа нема да се случи“, рече Зеленски.
