Портпаролот на Кремљ Дмитриј Песков потврди дека властите во Русија многу добро знаат кој стои зад денешниот напад на мостот на Крим.
„Знаеме и зошто се обиделе да го саботираат мостот“, рече Песков, а потоа додаде дека е многу важно да се внимава на тоа што денеска загина младо семејство, додека нивната ќерка е повредена.
Русија решително ќе се бори против нешто слично да се случи повторно, рече тој. Како што рече, одговорот на денешниот трагичен настан е, во суштина, спроведување на задачите на Специјалната воена операција до крај и Москва нема да се откаже од тоа.
