Десет лица се повредени, од кои две се здобиле со тешки телесни повреди при невремето што вчера попладне ја зафати Сремска Митровица.
Според медиумите, при невремето паднал покрив на куќа и едно лице (69) е тешко повредено, се здобило со скршеница на вратните пршлени и во текот на ноќта било пренесено во Белград во Клиничкиот центар на Србија.
Второто тешко повредено лице е 46-годишно лице кое се здобило со фрактура на черепот. Пренесено е во Клиничкиот центар во Војводина.
Во текот на ноќта во хируршко-ортопедската амбуланта на болницата во Сремска Митровица имало 42 прегледи. Двајца од повредените се задржани во болницата, еден на Општа хирургија, додека другиот е сместен на одделението за интензивна нега.
Службите за итни случаи примиле стотици повици поради паднати дрвја и сообраќајна сигнализација на улиците и јавните површини, оштетувања на телефонските и електричните линии, а невремето оштети покриви на куќи, згради и стопански објекти.