Околу 90 планинари останаа заробени во кабина на Триглав во Словенија, меѓу кои и слабовидни лица. Среде невреме со силен ветер, голем број дрвја паднаа на патот кој сега е непрооден. Планинарските спасувачи од Мојстрана вечерта успеале да стигнат до колибата, а планинарите биле снабдени со храна и лекови.
Како што објави на Фејсбук Здружението за спасување на планина на Словенија, спасувачите од ГРС Мојстрана доцна во вечерните часови успеале да ги пробијат паднатите дрвја до Ковинарска колиба каде привремено се сместени околу 90 планинари. Спасувачите им донеле храна и други потреби за полесно да ја поминат ноќта.
Командантот на цивилната заштита Сречко Шестан ги критикуваше организаторите на патувањето.
„Укажувам на неодговорноста на тие што го организираат ова. Со ваква временска прогноза тие луѓе ги однесоа во Триглав“, рече тој, пренесува 24ур.
