Дерек Шоле повеќе не е специјален советник во американскиот Стејт департмент задолжен за регионот на Западен Балкан.
Ентони Блинкен, американскиот државен секретар, му честиташе на Шоле на својот профил на Твитер за неговото ново назначување како потсекретар за политика во Министерството за одбрана.
Со смената на Шоле, тоа значи дека Габриел Ескобар, заменик помошник државен секретар, останува единствениот претставник на САД за Балканот.
„Честитки пријателе за номинацијата. Дерек беше клучен член и лидер на мојот тим. Потврдата на неговата номинација ќе биде голема добивка за Секретаријатот за одбрана. Нашата нација ќе има голема корист од неговата посветена служба“, напиша Блинкен на Твитер.
