Новиот закон со кој се укинуваат сите досегашни ограничувања за гласање на Грците кои живеат во странство, синоќа беше изгласан со широко мнозинство во грчкиот Парламент и со поддршка од 208 пратеници, јави дописничката на МИА од Атина.
.„За“ гласаа владејачката Нова демократија и опозициските ПАСОК, Победа и Курс на слободата, против беа СИРИЗА и Комунистичката партија, а Грчко решение и Спартанци беа воздржани.
Законот е измена на постоечкиот од 2019 година и меѓу другото предвидува укинување на сите обврски, ограничувања, процедури што го отежнуваа гласањето од странство.
Дава можност да гласаат сите оние кои живеат во странство, но и оние кои привремено се во странство вон Грција на денот на изборите.
