На 11 август Русија ќе евакуира село на далечниот исток на земјата, како дел од лансирањето на првата руска мисија за слетување на Месечината по речиси педесет години.
Жителите на населбата Шахтинск во руската област Хабаровск, југоисточно од локацијата за лансирање, ќе бидат евакуирани рано наутро на 11 август, бидејќи селото се наоѓа во областа каде што се предвидува дека ќе паднат ракетните стабилизатори по лансирањето бидејќи траекторијата на реката Буреја припаѓа на предвидената зона на паѓање.
Лунарното летало Луна-25 ќе биде лансирано од космодромот Восточни, на околу 5.550 километри источно од Москва, што ќе биде прво лансирање на руско летало на Месечината од 1976 година, објави руската вселенска агенција Роскосмос.
Во соопштението се додава дека Луна-25 ќе биде првото вселенско летало што ќе слета на јужниот пол на Месечината и дека целите на мисијата се развивање технологии за меко слетување, истражување на внатрешната структура на Месечината и барање ресурси, вклучително и вода. .
Се претпоставува дека мисијата на Месечината ќе трае една година, наведува Ројтерс.
