Во болницата во Госпиќ во Хрватска е извршена успешна операција на тумор тежок речиси дваесет килограми!
– Пациентката дојде во нашата болница во Госпиќ кога нејзиниот стомак веќе беше огромен. Брзо дознавме за што се работи и направивме операција. Отстранивме навистина огромен тумор, тежок околу дваесет килограми. Пациентот денеска е отпуштен од болница и се чувствува добро. Откако ќе заврши PHD (патохистолошката анализа) ќе знаеме дали туморот бил бениген или не – изјави докторот што ја направи операцијата, Дарко Милиновиќ.
Иванка Мургиќ, педесет и осумгодишна жена од селото Перковиќ, вели дека операцијата поминала добро и дека сака да ја искористи оваа прилика да им се заблагодари на „сите медицински сестри и сите лекари од гинеколошкиот оддел на болницата Госпиќ“.
Долго време не била свесна за здравствен проблем бидејќи како што ни кажа ништо не ја болило.
– Немав никакви потешкотии, само што почна да ми расте стомакот. Мислев дека се здебелив, а потоа мслев дека можеби имав некакви проблеми со варење или со цревата… Конечно отидов на ултразвук на абдоменот, но ништо не покажа. После тоа, тие направија длабинска КТ скен, кој конечно го откри туморот. После тоа се се случи многу брзо во болницата во Госпиќ. Таму дури открив дека имам гинеколошки проблем, односно дека имам огромна циста на јајниците. Утре ќе ја преврзам раната и засега се чувствувам одлично. Се надевам дека резултатите од патохистолошката анализа ќе покажат дека се работи за бениген тумор и дека на крајот се ќе заврши добро – изјави Иванка Мургиќ за Јутарњи лист.
