Српскиот ветеран, Немања Матиќ и официјално е нов фудбалер на францускиот Стад Рен, откако Рома се реши да го продаде по конфликтот со тренерот Жозе Мурињо.
35-годишниот Матиќ пристигна на „Олимпико“ од Манчестер јунајтед како слободен агент минатото лето, за повторно да работи со Португалецот, кој му беше тренер и во Челси, но односите толку се расипаа што Рома реши да го продаде. Рен платија 3 милиони евра и му дадоа двегодишен договор.
