Украинскиот претседател Володимир Зеленски го посети регионот Запорожје во Украина и таму се сретна со војниците кои учествуваат во контраофанзивата против руските сили, соопшти денеска канцеларијата на Зеленски.
„Претседателот ги слушаше извештаите на командантите за напредокот на борбените операции во областите на фронтот и заедно со бригадите и борците разговараше за најпроблематичните прашања на нивните единици“, се наведува во соопштението.
Тој им додели награди на медицински работници, како и на повреден војник.
„Ви благодариме за вашата услуга, ви благодариме што ја штитите Украина на толку важна јужна рута, ги штитите животите на нашите момци. И внимавајте да се грижите за себе“ рече Зеленски во разговор со здравствените работници.
