Шумски пожар беснее во североисточниот дел на канарскиот остров Тенерифе, чие гаснење го отежнува силниот ветер.
Жителите на околните градови се евакуирани како мерка на претпазливост, а прекинат е и пристапот до шумата околу вулканот Теиде, пренесува Ројтерс.
„Пожарот е силен и во комплицирана област“, рече регионалниот лидер на Канарските Острови Фернандо Клавио на прес-конференција.
Надлежните органи го подигнаа нивото на опасност и побараа средства од централната власт, пренесува „Ел Паис“.
Пожарот избувнал во вторникот вечерта, а во неговото гаснење учествувале 11 хеликоптери и 150 пожарникари, а мобилизирана е и единицата за итни случаи.
Според првите проценки, од пожарот е зафатена површина од 150 хектари.
