Посебна иранска парламентарна комисија го одобри контроверзниот предлог-закон со кој се воведуваат построги кодекси на облекување, што веќе и онака се строги, објави новинската агенција Тасним.
Новите правила, што се уште не стапиле во сила, предвидуваат построги казни за оние кои не ги почитуваат исламските правила
Странските државјанки, кои се противат на законот, може да бидат протерани од земјата. Навреда на „затворена“ жена може да резултира со шест месеци затвор и 74 удари со камшик. Реформата е одговор на политичкото раководство на земјата на антивладините протести предводени од жените во текот на цела есен 2022 година.
Протестите беа поттикнати од смртта во притвор на млада Иранка со курдско потекло, која беше уапсена поради наводно кршење на правилата за облекување во јавноста.
Протестите се смирија, но многу жени во градовите одбиваат да носат превез како знак на тивок протест.
Носењето хиџаб во Иран е пропишано со закон повеќе од 40 години.
