Актуелниот шпански фудбалски првак Барселона постигна првата гостинска победа во новата сезона во Примера, против Вилјареал во меч со пресврти 4:3. Каталонците имаа перфектен почеток на мечот и по само 15 минути игра поводеа со 2:0 со головите на Гави и Де Јонг. Потоа стигна одговорот на избраниците на Сетиен кои од 26 до 40 минута ја анулираа негативата со головите на Фојт и Сорлот.
Со резултат 2:2 се замина на пауза, а на почетокот од второто полувреме, во 50 минута „жолтата подморница“ со погодокот на Баена направи целосен резултатски пресврт 3:2. Барселона возврати преку „џокерот“ од клупата Торес во 68 минута израмни на 3:3, а Левандовски во 71 минута повторно и донесе предност и победа од 4:3.
Барселона сега има 7 бода, два помалку од лидерот Реал Мадрид кој е со максимален скор по три кола.
