Пожарникари од Ранковце и Куманово вечерва успеаја да го изгаснат пожарот кај Руѓенце и Бељаковце. Претходно на овој терен интервенираа и еден полициски хеликоптер и ер-трактор, но откако се стемни тие беа приморани да ја прекинат операцијата.
Еден крак од пожарот беше активен и доцна во ноќта, но пред малку благодарејќи на храбрите пожарникари од Ранковце и Куманово е изгаснат. Локализиран е и пожарот кај Ваксинце, во близина на резервоарите на Макпетрол.
Хеликоптерот на МВР денеска врз пожарот во атарот на село Руѓенце, општина Старо Нагоричане, исфрли повеќе од 20 тони вода.
