Кина и Австралија треба „сериозно да го разгледаат“ она што го научија од прекинот на дијалогот на високо ниво меѓу нив во изминатите три години, изјави денеска поранешниот министер за надворешни работи Ли Жаоксинг при рестартирање преговоири во Пекинг.
Австралиско-кинески дијалог на високо ниво, во кој не се вклучени министри, се одржуваше секоја година од 2014 година како платформа за дискусија за прашања од интерес, но престана во 2020 година поради наметнатите ограничувања од Пекинг за десетици австралиски увозни стоки откако Канбера го доведе во прашање потеклото на Ковид-19.
Речиси една третина од трговската размена на Австралија е со Кина, а Канбера е осмиот најголем трговски партнер на Пекинг.
Дипломатските размени се интензивираа по доаѓањето на лабуристичката Влада на власт во Австралија во мај 2022 година и Кина ги зголеми царините за извозот на јачмен. Но, Канбера сè уште се залага за укинување на ограничувањата за извозот на јастог и вино и ослободување на двајца австралиски новинари приведени поради обвинение за нарушување на национална безбедност.
– Дали кинеско-австралиските односи можат дополнително да се подобрат и да се развиваат зависи од тоа дали двете земји имаат правилна перцепција една за друга … Во изминатите децении … Кина не претставуваше никаква закана за Австралија и нема да претставува закана во иднина. Се надевам дека австралиската страна ќе го разбере ова, истакна Ли на средбата со поранешниот австралиски министер за трговија, кој ја предводи австралиската делегација, Крег Емерсон.
Во соопштението од австралиското Министерство за надворешни работи се наведува дека двете делегации ќе разговараат и за трговијата, инвестициите, регионалната и меѓународната безбедност. Додека дијалогот е оценет како „уште еден чекор за стабилизирање на врските“.
