Легендарниот англиски рок-бенд „Ролинг стоунс“ ќе се појави на дресот на Барселона на следното ел класико, пренесува Радио Монте Карло 1. „Ролинг стоунс“ на тој начин ќе го замени логото на музичката апликација „Спотифај“ со која Барселона потпиша спонзорски договор и ги продаде правата на името на стадионот.
Натпреварот е закажан за 29 октомври, а изборот на логото на „Ролинг стоунс“ е мотивиран од објавувањето на новиот албум на познатата рок-група, прв по 18 години, поточно од 2005 година.
Албумот се вика Hackney Diamonds, а овој проект го најавија членовите на бендот – Мик Џегер, Кит Ричардс и Рони Вуд на гостувањето во телевизиското шоу на Џими Фалон.
Тоа ќе биде трето лого со музичка порака на дресот на Барселона во ел класико. Претходно, на дресот Барселона го имаше бувот на пејачот Дрејк и Мотомами, логото на албумот на пејачката Розалија.
Судејќи по првите реакции на социјалните мрежи, фановите се поделени. Додека едни нагласуваат дека дресот ќе стане дел од историјата како вреден сувенир, други ги исмеваат алчноста и желбата за профит на Барселона.
